ਪੰਜਾਬ ’ਚ 9 ਜ਼ਿਲ੍ਹਿਆਂ ’ਚ ਮੰਗਲਵਾਰ ਨੂੰ ਕੜਾਕੇ ਦੀ ਠੰਢ ਰਹੀ। ਗੁਰਦਾਸਪੁਰ ਸਭ ਤੋਂ ਠੰਢਾ ਰਿਹਾ। ਇੱਥੇ ਘੱਟੋ-ਘੱਟ ਤਾਪਮਾਨ 4.0 ਤੇ ਵੱਧ ਤੋਂ ਵੱਧ ਤਾਪਮਾਨ 9.0 ਡਿਗਰੀ ਸੈਲਸੀਅਸ ਰਿਹਾ। ਵੱਧ ਤੋਂ ਵੱਧ ਤੇ ਘੱਟ ਤੇ ਘੱਟ ਤਾਪਮਾਨ ’ਚ ਪੰਜ ਡਿਗਰੀ ਸੈਲਸੀਅਸ ਦਾ ਫ਼ਰਕ ਰਿਹਾ। ਮੌਸਮ ਵਿਭਾਗ ਚੰਡੀਗੜ੍ਹ ਮੁਤਾਬਕ ਮੰਗਲਵਾਰ ਨੂੰ ਸੂਬੇ ’ਚ ਸੀਤ ਲਹਿਰ ਤੇ ਅੱਤ ਸੀਤ ਲਹਿਰ ਦੀ ਸਥਿਤੀ ਰਹੀ। ਬੁੱਧਵਾਰ ਨੂੰ ਅੱਤ ਠੰਢਾ ਦਿਨ ਹੋਣ ਦਾ ਅਲਰਟ ਜਾਰੀ ਕੀਤਾ ਗਿਆ ਹੈ। ਵੀਰਵਾਰ ਨੂੰ ਵੀ ਸੰਘਣੀ ਧੁੰਦ ਛਾਈ ਰਹਿਣ ਦੀ ਸੰਭਾਵਨਾ ਹੈ।ਮੰਗਲਵਾਰ ਨੂੰ ਸੂਬੇ ਦੇ ਪੰਜ ਜ਼ਿਲ੍ਹਿਆਂ ਲੁਧਿਆਣਾ, ਚੰਡੀਗੜ੍ਹ, ਪਟਿਆਲਾ, ਪਠਾਨਕੋਟ ਤੇ ਮੋਹਾਲੀ ’ਚ ਦੁਪਹਿਰ ਇਕ ਵਜੇ ਤੋਂ ਬਾਅਦ ਹਲਕੀ ਧੁੱਪ ਨਿਕਲੀ, ਜਦਕਿ ਹੋਰ ਜ਼ਿਲ੍ਹਿਆਂ ’ਚ ਸਵੇਰੇ ਸੰਘਣੀ ਧੁੰਦ ਤੇ ਫਿਰ ਦੁਪਹਿਰ ਤੱਕ ਹਲਕੀ ਧੁੰਦ ਛਾਈ ਰਹੀ। ਜਿਨ੍ਹਾਂ ਜ਼ਿਲ੍ਹਿਆਂ ’ਚ ਧੁੰਦ ਛਾਈ ਰਹੀ, ਉੱਥੇ ਸੀਤ ਲਹਿਰ ਦਾ ਅਸਰ ਜ਼ਿਆਦਾ ਰਿਹਾ। ਜ਼ਿਆਦਾ ਧੁੰਦ ਨਾਲ ਪ੍ਰਭਾਵਿਤ ਸੱਤ ਜ਼ਿਲ੍ਹਿਆਂ ਗੁਰਦਾਸਪੁਰ ਸਭ ਤੋਂ ਠੰਢਾ ਰਿਹਾ। ਇੱਥੇ ਦਿਨ ਦਾ ਤਾਪਮਾਨ ਨੌਂ ਡਿਗਰੀ ਰਿਹਾ। ਜਦਕਿ ਅੰਮ੍ਰਿਤਸਰ ’ਚ 10, ਬਠਿੰਡਾ ’ਚ 10.2, ਨਵਾਂ ਸ਼ਹਿਰ ’ਚ 11.2 ਫਿਰੋਜ਼ਪੁਰ ’ਚ 11.8, ਮੋਗਾ ’ਚ 11.7 ਤੇ ਰੋਪੜ ’ਚ 11.8 ਡਿਗਰੀ ਸੈਲਸੀਅਸ ਰਿਹਾ।
