ਨਿਊਯਾਰਕ, 4 ਅਪ੍ਰੈਲ ( ਰਾਜ ਗੋਗਨਾ)- ਨਿਊ ਨਿਊਯਾਰਕ ਦੀ ਪੁਲਿਸ ਨੇ ਨਿਊ ਜਰਸੀ ਦੇ ਇਕ ਭਾਰਤੀ- ਗੁਜਰਾਤੀ ਜਿਸ ਦੀ ਉਮਰ 51 ਸਾਲਾ ਦੇ ਕਰੀਬ ਹੈ।ਜਿਸ ਦਾ ਨਾਂ ਕੇਤਨ ਪਟੇਲ ਦੱਸਿਆ ਗਿਆ ਹੈ। ਉਸ ਨੂੰ ਸਰਕਾਰੀ ਅਧਿਕਾਰੀ ਦੇ ਰੂਪ ਵਿੱਚ ਪੈਸੇ ਵਸੂਲਣ ਦੀ ਕੋਸ਼ਿਸ਼ ਕਰਨ ਦੇ ਦੋਸ਼ ਵਿੱਚ ਗ੍ਰਿਫ਼ਤਾਰ ਕੀਤਾ ਗਿਆ ਹੈ।ਅਤੇ 28 ਅਪ੍ਰੈਲ ਨੂੰ ਅਦਾਲਤ ਵਿੱਚ ਉਸ ਨੂੰ ਪੇਸ਼ ਕੀਤਾ ਜਾਵੇਗਾ। ਬੀਤੀ 27 ਮਾਰਚ ਨੂੰ ਪੁਲਿਸ ਨੂੰ ਘੁਟਾਲੇ ਬਾਰੇ ਜਾਣਕਾਰੀ ਮਿਲੀ ਸੀ। ਅਤੇ ਉਸਨੂੰ 31 ਮਾਰਚ ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ। ਕੇਤਨ ਪਟੇਲ ‘ਤੇ ਰੋਮ, ਨਿਊਯਾਰਕ ਵਿੱਚ ਥਰਡ-ਡਿਗਰੀ ਗ੍ਰੈਂਡ ਚੋਰੀ ਦਾ ਦੋਸ਼ ਲਗਾਇਆ ਗਿਆ ਹੈ। ਹਾਲਾਂਕਿ ਉਸਦੀ ਇਮੀਗ੍ਰੇਸ਼ਨ ਸਥਿਤੀ ਬਾਰੇ ਕੋਈ ਜਾਣਕਾਰੀ ਉਪਲਬਧ ਨਹੀਂ ਸੀ। ਰੋਮ ਪੁਲਿਸ ਦੇ ਅਨੁਸਾਰ, ਮਾਮਲੇ ਦੀ ਤਿੰਨ ਦਿਨਾਂ ਦੀ ਜਾਂਚ ਤੋਂ ਬਾਅਦ ਕੇਤਨ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ। ਉਸ ਵੱਲੋਂ ਲੰਘੀ 27 ਮਾਰਚ ਨੂੰ, ਰੋਮ ਨਿਊਯਾਰਕ ਦੀ ਪੁਲਿਸ ਨੂੰ ਇੱਕ ਅਮਰੀਕੀ ਨਾਗਰਿਕ ਨੂੰ ਨਿਸ਼ਾਨਾ ਬਣਾ ਕੇ ਉਸ ਤੋਂ ਵੱਡੀ ਰਕਮ ਵਸੂਲਣ ਵਾਲੇ ਘੁਟਾਲੇ ਬਾਰੇ ਜਾਣਕਾਰੀ ਮਿਲੀ ਸੀ। ਇਸ ਮਾਮਲੇ ਵਿੱਚ ਨਿਊਯਾਰਕ ਸਟੇਟ ਪੁਲਿਸ ਵੀ ਸ਼ਾਮਲ ਹੋ ਗਈ, ਜਿਸ ਵਿੱਚ ਐਡੀਸਨ ਨਿਊਜਰਸੀ ਦੇ ਮਾਈਨਬਰੂਕ ਰੋਡ ਇਲਾਕੇ ਦੇ ਵਸਨੀਕ ਕੇਤਨ ਪਟੇਲ ਦੀ ਪਛਾਣ ਕਰਨ ਤੋਂ ਬਾਅਦ, ਪੁਲਿਸ ਨੇ ਉਸਦੀ ਸ਼ਮੂਲੀਅਤ ਦੇ ਸਬੂਤ ਮਿਲਣ ਤੋਂ ਬਾਅਦ ਉਸ ਨੂੰ ਗ੍ਰਿਫਤਾਰ ਕਰ ਲਿਆ। ਕੇਤਨ ਨੂੰ 28 ਅਪ੍ਰੈਲ ਨੂੰ ਅਦਾਲਤ ਵਿੱਚ ਪੇਸ਼ ਕੀਤਾ ਜਾਵੇਗਾ।ਹਾਲਾਂਕਿ, ਪੁਲਿਸ ਨੇ ਇਹ ਸਪੱਸ਼ਟ ਨਹੀਂ ਕੀਤਾ ਹੈ ਕਿ ਪੀੜਤ ਤੋਂ ਉਸ ਘੁਟਾਲੇ ਵਿੱਚ ਕਿੰਨੇ ਪੈਸੇ ਵਸੂਲੇ ਜਾਣੇ ਸਨ ਜਿਸ ਵਿੱਚ ਉਹ ਸ਼ਾਮਲ ਹੋਣ ਦਾ ਦੋਸ਼ ਲੱਗਾ ਹੈ। ਹਾਲਾਂਕਿ, ਪੁਲਿਸ ਨੇ ਕਿਹਾ ਹੈ ਕਿ ਇਸ ਘੁਟਾਲੇ ਵਿੱਚ ਪੀੜਤ ਤੋਂ ਵੱਡੀ ਰਕਮ ਵਸੂਲੀ ਜਾਣੀ ਸੀ, ਜਿਸ ਵਿੱਚ ਘੁਟਾਲੇਬਾਜ਼ ਪੀੜਤ ਨਾਲ ਔਨਲਾਈਨ ਅਤੇ ਫ਼ੋਨ ‘ਤੇ ਸੰਪਰਕ ਵਿੱਚ ਸਨ।
