ਟਰੰਪ ਪ੍ਰਸ਼ਾਸਨ ਵਿੱਚ ਬਹੁਤ ਉਥਲ-ਪੁਥਲ ਹੈ। ਅਮਰੀਕਾ ਦੇ ਰਾਸ਼ਟਰੀ ਸੁਰੱਖਿਆ ਸਲਾਹਕਾਰ (NSA) ਮਾਈਕ ਵਾਲਟਜ਼ ਦਾ ਵ੍ਹਾਈਟ ਹਾਊਸ ਤੋਂ ਜਾਣਾ ਤੈਅ ਹੈ। ਰਾਸ਼ਟਰੀ ਸੁਰੱਖਿਆ ਸਲਾਹਕਾਰ ਮਾਈਕ ਵਾਲਟਜ਼ ਨੂੰ ਰਾਸ਼ਟਰੀ ਸੁਰੱਖਿਆ ਜਾਣਕਾਰੀ ਲੀਕ ਕਰਨ ਦਾ ਦੋਸ਼ੀ ਪਾਇਆ ਗਿਆ ਹੈ। ਇਸ ਲਈ, ਉਨ੍ਹਾਂ ਨੂੰ ਆਪਣੇ ਅਹੁਦੇ ਤੋਂ ਅਸਤੀਫਾ ਦੇਣਾ ਪੈ ਰਿਹਾ ਹੈ।ਸੂਤਰਾਂ ਅਨੁਸਾਰ, ਰਾਸ਼ਟਰਪਤੀ ਡੋਨਾਲਡ ਟਰੰਪ ਦੇ ਦੂਜੇ ਕਾਰਜਕਾਲ ਦੌਰਾਨ ਸਟਾਫ ਵਿੱਚ ਇਹ ਪਹਿਲਾ ਵੱਡਾ ਬਦਲਾਅ ਹੈ। ਦੱਸ ਦੇਈਏ ਕਿ ਮਾਈਕ ਵਾਲਟਜ਼ ਮਾਰਚ ਵਿੱਚ ਸਖ਼ਤ ਜਾਂਚ ਦੇ ਘੇਰੇ ਵਿੱਚ ਆਏ ਸਨ ਜਦੋਂ ਇਹ ਖੁਲਾਸਾ ਹੋਇਆ ਸੀ ਕਿ ਉਨ੍ਹਾਂ ਨੇ ਪੱਤਰਕਾਰ ਜੈਫਰੀ ਗੋਲਡਬਰਗ ਨੂੰ ਐਨਕ੍ਰਿਪਟਡ ਮੈਸੇਜਿੰਗ ਐਪ ਸਿਗਨਲ ‘ਤੇ ਇੱਕ ਨਿੱਜੀ ‘ਟੈਕਸਟ ਚੇਨ’ ਵਿੱਚ ਸ਼ਾਮਿਲ ਕੀਤਾ ਸੀ। ਐਪ ‘ਤੇ ਇਸ ‘ਟੈਕਸਟ ਚੇਨ’ ਦੀ ਵਰਤੋਂ ਯਮਨ ਵਿੱਚ ਹੂਤੀ ਅੱਤਵਾਦੀਆਂ ਵਿਰੁੱਧ 15 ਮਾਰਚ ਨੂੰ ਹੋਣ ਵਾਲੇ ਸੰਵੇਦਨਸ਼ੀਲ ਫੌਜੀ ਆਪ੍ਰੇਸ਼ਨ ਦੀ ਯੋਜਨਾਬੰਦੀ ‘ਤੇ ਚਰਚਾ ਕਰਨ ਲਈ ਕੀਤੀ ਗਈ ਸੀ।ਮਾਈਕ ਵਾਲਟਜ਼ ਟਰੰਪ ਦੇ ਪ੍ਰਸ਼ਾਸਨ ਛੱਡਣ ਵਾਲੇ ਪਹਿਲੇ ਸਹਿਯੋਗੀ ਹੋਣਗੇ। ਟਰੰਪ ਦੇ ਦੂਜੀ ਵਾਰ ਸੰਯੁਕਤ ਰਾਜ ਅਮਰੀਕਾ ਦੇ ਰਾਸ਼ਟਰਪਤੀ ਬਣਨ ਤੋਂ ਬਾਅਦ, ਵਾਲਟਜ਼ ਨੂੰ 20 ਫਰਵਰੀ, 2025 ਨੂੰ NSA ਨਿਯੁਕਤ ਕੀਤਾ ਗਿਆ ਸੀ।
