ਪੈਰਾਲੰਪਿਕ: ਨਿਸ਼ਾਦ ਕੁਮਾਰ ਨੇ ਚਾਂਦੀ ਦਾ ਤਗ਼ਮਾ ਜਿੱਤਿਆ

ਪੈਰਾਲੰਪਿਕ ‘ਚ 24 ਸਾਲਾਂ ਨਿਸ਼ਾਦ ਕੁਮਾਰ ਨੇ ਫਾਈਨਲ ਵਿੱਚ 2.04 ਮੀਟਰ ਦੀ ਉਚਾਈ ਤੱਕ ਛਲਾਂਗ ਲਾ ਕੇ ਚਾਂਦੀ ਦਾ ਤਗ਼ਮਾ ਜਿੱਤਿਆ ਹੈ। ਨਿਸ਼ਾਦ ਦਾ ਇਹ ਦੂਜਾ ਪੈਰਾਲੰਪਿਕ ਤਗ਼ਮਾ ਹੈ। ਉਸਨੇ ਟੋਕੀਓ ਵਿੱਚ 2.06 ਮੀਟਰ ਦੀ ਕਲੀਅਰੈਂਸ ਨਾਲ ਚਾਂਦੀ ਦਾ ਤਗ਼ਮਾ ਹਾਸਲ ਕੀਤਾ ਸੀ। ਨਿਸ਼ਾਦ ਦਾ ਚਾਂਦੀ ਦਾ ਤਗ਼ਮਾ ਪੈਰਿਸ ਦੀਆਂ ਪੈਰਾ ਖੇਡਾਂ ਵਿੱਚ ਭਾਰਤ ਦਾ ਸੱਤਵਾਂ ਅਤੇ ਅਥਲੈਟਿਕਸ ਵਿੱਚ ਤੀਜਾ ਤਗ਼ਮਾ ਹੈ । ਪ੍ਰੀਤੀ ਪਾਲ ਨੇ 100 ਮੀਟਰ ਅਤੇ 200 ਮੀਟਰ ਟੀ-35 ਵਰਗ ਦੇ ਮੁਕਾਬਲਿਆਂ ਵਿੱਚ ਕਾਂਸੀ ਦੇ ਤਗ਼ਮੇ ਜਿੱਤੇ। ਭਾਰਤ ਨੇ ਚਾਰ ਮੈਡਲ ਪੈਰਾ ਸ਼ੂਟਿੰਗ ਵਿੱਚ ਜਿੱਤੇ ਹਨ।