ਰੂਸ ਦੇ ਰਾਸ਼ਟਰਪਤੀ ਵਲਾਦੀਮੀਰ ਪੁਤਿਨ ਮੰਗਲਵਾਰ ਨੂੰ ਉੱਤਰ ਕੋਰੀਆ ਜਾ ਰਹੇ ਹਨ। ਉਨ੍ਹਾਂ ਦੇ ਇਸ ਦੌਰੇ ਬਾਰੇ ਲੰਬੇ ਸਮੇਂ ਤੋਂ ਅਟਕਲਾਂ ਲਾਈਆਂ ਜਾ ਰਹੀਆਂ ਸਨ।ਪੁਤਿਨ 24 ਸਾਲਾਂ ਵਿੱਚ ਪਹਿਲੀ ਵਾਰ ਪਿਓਂਗਯਾਂਗ ਵਿੱਚ ਪੈਰ ਰੱਖਣਗੇ।2000 ਵਿੱਚ ਉਹ ਆਖਰੀ ਵਾਰ ਉੱਤਰੀ ਕੋਰੀਆ ਦੇ ਆਗੂ ਕਿਮ ਜੋਂਗ ਇਲ ਦੇ ਸੱਤਾ ਵਿੱਚ ਆਉਣ ਸਮੇਂ ਗਏ ਸਨ।ਪੁਤਿਨ ਨੇ ਪਿਛਲੇ ਸਤੰਬਰ ਵਿੱਚ ਰੂਸ ਵਿੱਚ ਵੋਸਟੋਚਨੀ ਕੋਸਮੋਡਰੋਮ ਵਿੱਚ ਉਨ੍ਹਾਂ ਦੇ ਸਿਖਰ ਸੰਮੇਲਨ ਤੋਂ ਬਾਅਦ ਕਿਮ ਜੋਂਗ ਉਨ ਦੇ ਸੱਦੇ ਨੂੰ ਸਵੀਕਾਰ ਕੀਤਾ ਸੀ।ਜੇਕਰ ਆਗੂਆਂ ਵਿਚਕਾਰ ਪਿਛਲੀ ਮੀਟਿੰਗ ਉਨ੍ਹਾਂ ਦੇ ਸਬੰਧਾਂ ਦੀ ਨੀਂਹ ਰੱਖਣ ਬਾਰੇ ਸੀ, ਤਾਂ ਇਹ ਮੁਲਾਕਾਤ ਉਸ ਅਹਿਮ ਗਤੀਵਿਧੀ ਨੂੰ ਅੱਗੇ ਵਧਾਏਗੀ।ਆਗਾਮੀ ਸਿਖਰ ਸੰਮੇਲਨ ਫੌਜੀ ਸਹਿਯੋਗ ਦੇ ਪੱਧਰ ‘ਤੇ ਕੌਮਾਂਤਰੀ ਧਿਆਨ ਖਿੱਚ ਰਿਹਾ ਹੈ ਜਿਸ ‘ਤੇ ਮੀਟਿੰਗ ਦੌਰਾਨ ਸਹਿਮਤੀ ਹੋ ਸਕਦੀ ਹੈ।ਆਸ ਕੀਤੀ ਜਾ ਰਹੀ ਹੈ ਕਿ ਸੱਭਿਆਚਾਰਕ, ਖੇਤੀਬਾੜੀ, ਆਰਥਿਕ ਅਤੇ ਸੈਰ-ਸਪਾਟਾ ਖੇਤਰਾਂ ਵਿੱਚ ਸਬੰਧਾਂ ਨੂੰ ਮਜ਼ਬੂਤ ਕਰਨ ਵਿੱਚ ਕਾਰਗਰ ਸਾਬਤ ਹੋਵੇਗਾ।ਇੱਕ ਹੋਰ ਅਹਿਮ ਪਹਿਲੂ ਵੀ ਵਿਚਾਰਨ ਵਾਲਾ ਹੈ ਕਿ ਪੁਤਿਨ ਉੱਤਰੀ ਕੋਰੀਆ ਦੇ ਉੱਨਤ ਹਥਿਆਰਾਂ ਦੇ ਆਦਾਨ-ਪ੍ਰਦਾਨ ਅਤੇ ਪ੍ਰਮਾਣੂ ਪ੍ਰੋਗਰਾਮ ਬਾਰੇ ਯੋਜਨਾ ਬਣਾਉਂਦੇ ਹਨ।ਡਾਕਟਰ ਕਿਮ ਡੋਂਗ-ਯੁਪ, ਦੱਖਣੀ ਕੋਰੀਆ ਵਿੱਚ ਯੂਨੀਵਰਸਿਟੀ ਆਫ਼ ਨਾਰਥ ਕੋਰੀਅਨ ਸਟੱਡੀਜ਼ ਦੇ ਪ੍ਰੋਫੈਸਰ ਹਨ। , ਉਨ੍ਹਾਂ ਦਾ ਕਹਿਣਾ ਹੈ ਕਿ ਸਿਖਰ ਸੰਮੇਲਨ ਅਸਲ ਨਤੀਜੇ ਦੇਣ ਵਾਲੇ ਡੂੰਗੇ ਵਿਚਾਰ-ਵਟਾਂਦਰੇ ਲਈ ਇੱਕ ਮੰਚ ਦੀ ਬਜਾਇ ਇੱਕ ਸਮਾਗਮ ਹੋਣ ਦੀ ਸੰਭਾਵਨਾ ਹੈ।
