ਅਮਰੀਕਾ ‘ਚ ਰਾਸ਼ਟਰਪਤੀ ਅਹੁਦੇ ਲਈ ਵੋਟਿੰਗ ਜ਼ਿਆਦਾਤਰ ਥਾਵਾਂ ‘ਤੇ ਖਤਮ ਹੋ ਗਈ ਹੈ। ਐਸੋਸੀਏਟਿਡ ਪ੍ਰੈਸ ਦੇ ਐਗਜ਼ਿਟ ਪੋਲ ਅਨੁਸਾਰ ਕੈਂਟਕੀ ਅਤੇ ਇੰਡੀਆਨਾ ਵਿੱਚ ਲੀਡ ਹਾਸਿਲ ਕਰਨ ਤੋਂ ਬਾਅਦ ਡੋਨਾਲਡ ਟਰੰਪ ਨੇ ਫਲੋਰੀਡਾ, ਜਾਰਜੀਆ, ਉੱਤਰੀ ਕੈਰੋਲੀਨਾ ਅਤੇ ਪੱਛਮੀ ਵਰਜੀਨੀਆ ਵਿੱਚ ਵੀ ਬੜ੍ਹਤ ਹਾਸਿਲ ਕਰ ਲਈ ਹੈ। ਜਦੋਂ ਕਿ ਕਮਲਾ ਹੈਰਿਸ ਵਰਮਾਂਟ, ਨਿਊ ਹੈਂਪਸ਼ਾਇਰ ਅਤੇ ਵਰਜੀਨੀਆ ਵਿੱਚ ਅੱਗੇ ਚੱਲ ਰਹੀ ਹੈ। ਰਿਪਬਲਿਕਨ ਉਮੀਦਵਾਰ ਡੋਨਾਲਡ ਟਰੰਪ ਨੇ ਇੰਡੀਆਨਾ ਅਤੇ ਕੈਂਟਕੀ ‘ਚ ਜਿੱਤ ਹਾਸਿਲ ਕੀਤੀ ਹੈ। ਜਦੋਂ ਕਿ ਉਨ੍ਹਾਂ ਦੀ ਵਿਰੋਧੀ ਡੈਮੋਕ੍ਰੇਟ ਉਮੀਦਵਾਰ ਕਮਲਾ ਹੈਰਿਸ ਨੇ ਵਰਮਾਂਟ ਤੋਂ ਜਿੱਤ ਹਾਸਿਲ ਕੀਤੀ ਹੈ। ਦੱਸ ਦੇਈਏ ਕਿ ਪਹਿਲੇ ਛੇ ਅਮਰੀਕੀ ਰਾਜਾਂ ਵਿੱਚ ਵੋਟਿੰਗ ਖਤਮ ਹੋ ਗਈ, ਜਿਸ ਵਿੱਚ ਮਹੱਤਵਪੂਰਨ ਜੰਗ ਦਾ ਮੈਦਾਨ ਰਾਜ ਜਾਰਜੀਆ ਵੀ ਸ਼ਾਮਿਲ ਹੈ।
