ਟਰਾਂਟੋ,ਉਨਟਾਰੀਓ ( ਗੁਰਪ੍ਰੀਤ ਸਿੰਘ ਸਹੋਤਾ/ ਕੁਲਤਰਨ ਸਿੰਘ ਪਧਿਆਣਾ) : ਲੰਘੀ ਸ਼ਾਮ ਟਰਾਂਟੋ ਵਿਖੇ ਗੋਲੀਆਂ ਮਾਰ ਹਲਾਕ ਕੀਤੇ ਗਏ ਨੌਜਵਾਨ ਦੀ ਪਛਾਣ ਟਰਾਂਟੋ ਪੁਲਿਸ ਵੱਲੋ ਪਰਮਵੀਰ ਚਾਹਲ (27) ਵਜੋਂ ਕੀਤੀ ਗਈ ਹੈ , ਜੋਕਿ ਯੂਨਾਇਟਡ ਨੇਸ਼ਨਜ਼ ਗੈੰਗ ਨਾਲ ਸਬੰਧਤ ਦੱਸਿਆ ਜਾ ਰਿਹਾ ਹੈ , ਪਰਮਵੀਰ ਚਾਹਲ ਪਹਿਲਾਂ ਐਬਟਸਫੋਰਡ ਵਿਖੇ ਰਹਿ ਰਿਹਾ ਸੀ ਪਰ ਹੁਣ ਵਿੰਡਸਰ ਉਨਟਾਰੀਓ ‘ਚ ਰਿਹਾਇਸ਼ ਸੀ। ਦੱਸਣਯੋਗ ਹੈ ਕਿ ਬ੍ਰਿਟਿਸ਼ ਕੋਲੰਬੀਆ ਤੋਂ ਗੈਂਗਸਟਰ ਆਪਣੀ ਜਾਨ ਬਚਾਉਣ ਲਈ ਉਨਟਾਰੀਓ ਵੀ ਆ ਰਹੇ ਹਨ ਪਰ ਇੱਥੇ ਵੀ ਖਤਰਾ ਪਹਿਲਾ ਵਾਂਗ ਹੀ ਬਣਿਆ ਹੋਇਆ ਹੈ।ਯੂਐਨ ਗੈਂਗ ਨਾਲ ਸਬੰਧਤ ਦੱਸੇ ਜਾ ਰਹੇ ਪਰਮਵੀਰ ਚਾਹਲ ਤੋਂ ਪਹਿਲਾਂ ਇਸੇ ਗੈਂਗ ਦੇ ਘੱਟੋ-ਘੱਟ ਤਿੰਨ ਗੈਂਗਸਟਰ ਬੀਤੇ ਕੁਝ ਮਹੀਨਿਆਂ ‘ਚ ਮਾਰੇ ਜਾ ਚੁੱਕੇ ਹਨ, ਜਿਨ੍ਹਾਂ ਵਿੱਚ ਅਮਰਪ੍ਰੀਤ ਸਮਰਾ ਉਰਫ ਚੱਕੀ, ਰਵਿੰਦਰ ਸਮਰਾ ਉਰਫ ਰੌਬੀ ਅਤੇ ਗਗਨਦੀਪ ਸੰਧੂ ਦਾ ਨਾਮ ਲਿਆ ਜਾ ਸਕਦਾ ਹੈ।
